Umunsi wa 4 w'igiterane cya Afrika Haguruka

Intumwa Dr Paul Gitwaza umushumba mukuru w’itorero rya Zion Temple celebration center yatangiye igiterane cy’ububyutse ku munsi wa Kane asengera ubwoko bw’Imana ndetse yakira n’umukozi w’Imana Intumwa Victor Mokgothoa kuva mu gihugu cy’Africa y’ajyepfo, yatangiye avuga ko  Intumwa Victor ar’umukozi w'Imana akaba nincuti ya ZTCC/AWM. Ari mu muryango wa GKP akanayobora ibiterane binyuranye  bizana impinduka,yakoreye Imana kuva mu 1971 ubwo yari mu mashuri ye  yisumbuye.
Mu mwaka wa1974nibwo yumvise  umuhamagaro w'Imana ariko yigira kuba umwarimu nyuma aza kwemera kuba umukozi w'Imana muri 1994 ari bwo yatangiye itorero.

Intumwa Victor yafunguye igiterane avuga ko  Ari iby’umugisha kuba hano akomeza avuga ko Africa ikwiriye kugira ishyaka ryo kubaha Imana no gukurikiza ibyanditswe Yashimangiye ko kugendera mu kwera ari cyo kintu cya ngombwa mu guhura n'Imana no kugira ngo umugabane wacu ukure mu mwuka.Yavuze ko dukwiriye kwihana imfatiro zipfuye tugashyiraho igicaniro cy'amasengesho imbere y'Imana kandi tukagendera mu Mugambi wayo.

Yakomeje avuga ko dukwiriye kugira urufatiro rwacu kuri Yesu Kristo kandi ko kugera ku iterambere niyo waba ugeze kuri byinshi mu rwego rukomeye gute, bidahagije niba udafite urufatiro rukomeye mu mwuka.Iyo wubatse urufatiro rukomeye mu mwuka nibwo wabasha kunesha ibitero by' umwanzi.
 Yohana 5:30
Nta cyo mbasha gukora ubwanjye ahubwo uko numvise ni ko nca amateka , Kandi ayo nca ni ay’ukuri kuko ntazakurikiza ibyo nkunda ubwanjye, ahubwo nkurikiza ibyo uwantumye akunda.
Intumwa Victor yakomeje ashishikariza Africa  kubana neza n’abantu bose amahoro ndetse no kugendera  mu kwera kuko utejejwe atabasha kugera aho Imana iri ndetse atazabona Imana.
Abaheburayo 12:14
Mugire umwete wo kubana n’abantu bose amahoro n’uwo kwezwa, kuko utejejwe atazareba Umwami Imana.

Amateraniro y'ububyutse ku munsi wa kane yakoze ku mitima ya benshi aho  yibukije  ubwoko bw’Imana agaciro ko kwezwa no kugira urufatiro rukomeye mu mwuka ,Intumwa Paul Gitwaza yahamagariye abany’Africa kugendera mu mugambi w'Imana no kubaka ku rutare rutanyeganyezwa ari rwo Yesu Kristo.
Abitabiriye igiterane basubijwemo imbaraga nshya biteguye gukurikiza inyigisho n'amahame bize.

 Intumwa Dr Paul Gitwaza yasoje avuga ko nitwihatira kwezwa no kugendera mu ijambo ry'Imana mu byanditswe tuzagira ububyutse bukomeye dusenye imfatiro zipfuye kandi ahazaza hacu hazasanwa Kandi avuga ko bigoye kuguma ku rufatiro utabanje kwita ku ntangiriro yawe ,  yasoje asengera ubwoko bw’Imana asenya imfatiro mbi zubakiye kuri za Karande z’umuryango yacu .