Africa Haguruka #25 Umuhango wo gufungura ku mugaragaro - Amateraniro ya mbere.

Mu birori byo kwizera n’ubumwe, umuhango wo gufungura Africa Haguruka #25 mu materaniro ya mbere ubimburiye ibihe by’ amateka afite insanganyamatsiko, “Haguruka wubake nk’ishyanga rimwe imbere y’Imana”  Nehemiya 2 :17 na Ezira 10 : 4

Umuhango watangijwe n’ibihe bidasanzwe byo kuramya no guhimbaza byayobowe na Asaph international, bitwinjiza mu kirere cy’ umwuka byumvikana mu iteraniro ryose.
Umushumba Pastor Emmanuel GBEREKPEE yatanze ikaze ku bari mu materaniro abari hafi na kure, bitwinjiza mu bumwe n’urukundo.

Igikuru cyaranze aya materaniro ni igikorwa cyo kwakira umwigisha cy’umunsi Intumwa Wyatt Fabe hamwe n’ Intumwa Paul Gitwaza. Yatangiye atekerereza iteraniro ku mateka akomeye afitanye na se w’Intumwa Wyatt.

Intumwa Wyatt yatangiye ashima byimazeyo anahanarira itorero Siyoni, ashima kandi cyane ibikorwa by’Intumwa Paul Gitwaza, umubyeyi mu mwuka w’itorero.

Mu gitabo cya 2 Timoteyo 1:1-18, Intumwa Wyatt yatanze inyigisho ishimangira akamaro k’umurage w’Ubumana. Avuga ko nk’uko Pawulo yahaye Timoteyo ihumure n’impanuro, natwe tugomba kubona kandi tugaha agaciro umurage w’umwuka. Twibanze ku murongo wa 5, yerekanye urugengo rw’umurage w’ubumana, hashushanywa igisekuru cyo kwizera kuva kuri nyogokuru we Loyisi na nyina Unike.

1. Umurage w’ubumana ukeneye gusengerwa ubudasiba.

2. Umurage w’ubumana ukeneye gutangwa kuburyo hatabaho kugundirwa kugira ngo  hazabeho kumvira Imana mu gihe cyo gutanga uwo murage.
3. Umurage w’ubumana ukeneye gutunganywa, nk’uko byashimangiwe muri 2 Timoteyo 1 : 14 n’ Abefeso 2 : 8.
4. Umurage w’ubumana ukeneye kurindwa, nk’uko tubisanga muri 2 Timoteyo 2 : 2
5. Umurage w’ubumana ukeneye kubungwabungwa no gushinganishwa.

Mu gukomeza iteraniro, Intumwa Wyatt yatanze igereranywa ku ko Pawulo mu ma baruwa ye, yashishikarizaga abantu bose kurinda no kubungabunga imirage yabo y’umwuka,  Yasoje atanga iyerekwa rya gihanuzi ko hari umugezi w’agatangaza kuva ku musozi Hermoni, bisobanura gusukwa k’ubuntu bw’Imana n’ubumwe ashishikariza abantu bose kudasiga amateraniro y’ububyutse ku mugoroba no kujyanamo ukwizera ko Imana iri bwuzuze kwifuza kwabo.

Amateraniro yasojwe n’isengesho ry’Intumwa Paul Gitwaza ashimangira imigisha n’umugambi by’Imana kuri uwo munsi. Aya materaniro adasanzwe hamwe n’insanyamatsiko “Haguruka wubake nk’ishyanga rimwe imbere y’Imana” yari igihamya cy’imbaraga n’ubumwe by’umuryango w’abizera, bahagurukiye kwakira umuhamagaro w’Imana wo kubaha no gukomeza ubufatanye bw’umwuka nk’Abanyafurika.