Umusozi w’ uburezi umunsi wa 1

August 6th, 2024

Umusozi w’uburezi watangiriye ULK Gisozi aho twatangiye mu mwanya mwiza wo gusenga tuyobowe n’ umushumba Didier Habimana nyuma tujya mu muwanya wo kuramya no guhimbaza Imana tuyobowemo n’ itsinda rya Asaph Music international, nyuma umushumba Didier Habimana atwakirira Abavugabutumwa batuganirije uyu munsi ari bo: Prof Obii Pax Harry kuva muri UK na Dr Henry Mugisha kuva muri Uganda.

Umwigisha 1: Prof Obii Pax Harry

Insanganyamatsiko : Kubaka igicaniro cy’ Imana usenya impinduka za satani ku musozi w’ uburezi

Twatangiye Prof Obii Pax Harry adusaba kurebera hamwe ubusobanuro bw’ isengesho rihindura kandi ryihutisha gahunda y’Imana biciye mu bantu yaremye.

Isengesho n’ ibiganiro umuntu agirana n’ Imana bituma Imana imuha ihishurirwa rero biragusaba kuba umukiranutsi kuko Imana ikorana n’ abakiranutsi.

Africa ni iy’ Imana kandi abantu bagomba guhindura Africa n’ abantu bari muri Africa kuko Imana ikora mu bihe kandi igakorana n’abantu uko ibihe bigenda.

Prof Obii Pax Harry

Ni uruhe ruhare uburezi bufite ku myigishirize myiza itanga umusaruro muri Africa

Ingingo z’ ingenzi

Igihe: ugomba kumva ko Imana yagutoranije mu bazana impinduramatwara kandı ukumva ko igihe ari iki cyo kubaka inkike zacu ugasabwa no kumenya ibihe n’icyo gukora muri icyo gihe , ukaba umukiranutsi
Ahantu: itorero rihindutse n’iryo ryabasha guhindura ahantu runaka.
Imiterere: Africa ntigomba kwibukwa nk’ umugabane w’abakene n’abasigaye inyuma (Ibyakozwe n’Intumwa 17:6)

Ibibazo by’uburezi muri Africa ni ibihe?

Ibizamini bikoreshwa: imiyoboro n’ uburyo bwashyizweho mu myigishirize
Gushimuta.
Ubwiyongere bwo gukoresha ibiyobyabwenge.
Ireme ry’abarimu.
Kugabanuka kw'ifaranga no gusuzuma.
Kubura amahugurwa ahoraho y’abarimu.
Habuze abantu bahagarara mu cyuho.

Igicaniro n’iki?

Igicaniro ni ahantu abantu n’ Imana bahurira, ni ahantu ho gutambira

Ni gute twasenya igicaniro cyubatswe na satani ku musozi w’ uburezi? (2 Abakorinto 10:3-5)

Kumenya ko turi abana b’ Imana.
Gukiranuka.
Gukunda gukiranuka kandi tukanagenda nk’abana bari gukora ibyo bategetswe na se

Prof Obii Pax Harry yasoje avuga ko ko ikintu Africa ikeneye cyane ari abahinduramatwara kandi bateguwe n’Imana bafite amatoroshi amurikira abandi kandi ko abo bantu ari twe Imana yahisemo kuko igihe cy’Africa cyageze.

Umwigisha 2: Dr Henry Mugisha

Insanganyamatsiko: ni ikihe gicaniro kigaragara cya satani kigira uruhare mu burezi

Dr Henry Mugisha , Umukozi w’ Imana yatangiye atwibutsa ko Imana yanga ubujiji: (Hosea 4:6)Ati “Ntabwo twakihanganira ubujiji kuko ubujiji burandura kandi umuntu ashobora kubwanduza undi “

Dr Henry Mugisha

Ni ibihe bicaniro bya satani bigaragara mu burezi

Ubujiji (Hoseya 4:6) , iki cyanditswe cyerekana uburyo ubwoko burimbuwe no kugira ubujiji
Uruhare rw’ubutinganyi mu burezi:
Muri 1920 n’ibwo ubutinganyi bwatangiye kandi bwari bufite gahunda bakurikiza bugamije kuzana impinduka mu mategeko ya Guverinoma,Muri 1969 muri New York n’ibwo batangiye kwigaragambya barwanira uburenganzira bwabo bavuga ko biteguye gupfira imyemerere yabo,aho uku kwiyunga kwabo bagenderaga mu (Itangiriro 11:6).bivuga ko iyo bantu bifatanirije hamwe ntacyabananira.
Urugamba rw’uburenganzira bwabatinganyi rwabaye ikiraro gikora ku burezi binyuze ku ihame ry’ubwiyunge. Ikibazo nyamukuru duhura ntacyo muri Afurika n’ uko, iyo duhuriye ku bibazo, akenshi dufatanya mu kurwana aho gushaka ibisubizo. Ubu buryo bwo kudatekereza neza bituma habaho guhungabana mu bushobozi bwo gukemura ibibazo mu buryo bw’imigambi.
Uburezi s’ ibintu bihurirwaho gusa mu ishuri. Ihame rya teworii y’amatsinda make, ryatanzwe mu 1962, rigizwe n’intambwe nko kutamenya, guseka, kumenya, no kubaha. Ubu buryo bukoreshwa ku matsinda atandukanye y’abantu batishoboye, harimo n’abafite ubumuga.
N’ubwo hari amahirwe yo kubona ibikorwa by’uburezi by’ubuntu, hari ubushobozi buke bwo kugira ingaruka zifatika. Abanyafurika bagomba kurwanya imyumvire y’ubukene n’ubumenyi buke bituma hatabaho iterambere. Dukoresheje ubushobozi bwo gutekereza no kugira ubwiyunge, dushobora gukora sisitemu y’uburezi ifite akamaro kandi ikora neza.

Bimwe mu bibazo bihari muri Africa

Kutagira ubumwe,ikibazo dufite cyane nka abanyafurika nuko nta bumwe dufite kandi tugirana amashyari
Gufata umwanya munini turwana aho gushaka igisubizo, “Kimwe mu bibazo dufite nuko iyo tugize ikibazo umwanya munini tuwufata turwana aho gushaka ibisubizo bigatuma duhora tujya hasi aho kuzamuka”

Bimwe mu bisubizo ndetse n’ ingamba

Abanyafurika tugomba gutekereza bicukumbuye kuko niho hava ingamba zikwiye zifasha bur’umwe
Gusenga gusa ntabwo byazana impinduka ahubwo hagomba kugira n’abantu bagira icyo bakora bashize amanga bakurikiza amahame hanyuma amasengesho akaza abashyigikira.

N’ubwo hari amahirwe yo kubona ibikorwa by’uburezi by’ubuntu, hari ubushobozi buke bwo kugira ingaruka zifatika. Abanyafurika bagomba kurwanya imyumvire y’ubukene n’ubumenyi buke bituma hatabaho iterambere. Dukoresheje ubushobozi bwo gutekereza no kugira ubwiyunge, dushobora gukora sisitemu y’uburezi ifite akamaro kandi ikora neza.

Dr Henry Mugisha ,yasoje atubwira kwirinda ubujiji n’ubukene kuko uko ari bibiri n’ibyo biba intandaro y’uko bazana abaterankunga bo kubaka amashuri ndetse n’amasomero ashyigikira imyumvire yabo kandi ntabwo bikwiriye kuba muri Africa.